VIDEO/ Aksident me tre automjete në aksin Korçë–Symiz, tre të plagosur

Tre automjete janë përfshirë në një aksident pasditen e sotme në aksin rrugor Korçë–Symiz, ku u plagosën tre persona që udhëtonin në këto mjete.

Sipas ekspertëve të qarkullimit rrugor, një nga automjetet që po udhëtonte nga Korça në drejtim të Pogradecit ka kryer një manovër të gabuar, duke kaluar nga një krah i rrugës në tjetrin.

Kjo lëvizje shkaktoi përplasjen me dy mjete të tjera, njëri që vinte nga Pogradeci në drejtim të Maliqit, dhe tjetri që udhëtonte pas automjetit që bëri manovrën e gabuar.

Të plagosurit ndodhen në spitalin rajonal të Korçës dhe janë jashtë rrezikut për jetën.

Vlen të përmendet se aksi rrugor Kapshticë–Qafë Thanë, për shkak të degezimeve të shumta, shpesh rezulton burim aksidentesh.