VIDEO| Kreu manovra të rrezikshme në rrugë, e “pëson” drejtuesi i mjetit luksoz

Policia e Beratit ka ndëshkuar me një gjobë prej 60 mijë lekësh të reja drejtuesin e një mjeti që kreu manovra të rrezikshme në rrugë.

Përmes një komunikate zyrtare, policia ka shpërndarë videon e drejtuesit të mjetit luksoz duke kryer “drift” në zona të banuara.

Krahas masës administrative drejtuesit të mjetit iu pezullua dhe leja e drejtimit.

Policia Rrugore apelon për shoferët që të respektojnë rregullat e qarkullimit dhe të mos bëhen burim aksidentesh.

“Specialistët e Sektorit të Policisë Rrugore të DVP Berat, pas denoncimeve të bëra nga disa qytetarë, për një drejtues automjeti që kryente manovra të rrezikshme, gjatë qarkullimit në qytetin e Beratit, kanë organizuar  punën për identifikimin e tij.

Si rezultat i monitorimit të kamerave të sigurisë dhe i kontrolleve në terren, është identifikuar dhe shoqëruar në Komisariat, drejtuesi, së bashku me automjetin me të cilin kryente manovra.

Shërbimet e Policisë Rrugore e kanë ndëshkuar drejtuesin e automjetit, me masën administrative 60 000 lekë të rinj, si dhe i kamë pezulluar lejen e drejtimit, në bazë të neneve 139, 72 dhe 79, të Kodit Rrugor”, thueht në njoftimin e policisë.