VIDEO/ Kryen 4 vjedhje në muajt maj-qershor në Tiranë, 2 të arrestuar 1 në kërkim

Policia e Tiranës ka arritur të zbardhë katër vjedhje të kryera gjatë muajve maj-qershor në kryeqytet.

Bazuar dhe në pamjet filmike nga kamerat e sigurisë, policia ka identifikuar tre autorët e dyshuar të këtyre vjedhjeve në banesa dhe lokale.

Në njoftimin zyrtar të Policisë thuhet se janë arrestuar dy prej tyre, ndërsa një i tretë është shpallur në kërkim.

“Në pranga është vënë shtetasi E. D., 20 vjeç, ndërsa shtetasi E. G., 21 vjeç, është shpallur në kërkim, pasi dyshohet se gjatë periudhës maj-qershor kanë kryer vjedhje parash dhe sende me vlerë në një banesë dhe dy lokale”, njofton policia.

Policia po punon për kapjen e shtetasit 21-vjeçar, si dhe për zbardhjen e vjedhjeve të tjera që mund të jenë kryer nga këta persona.

Gjatë operacionit janë sekuestruar disa bizhuteri dhe një shumë lekësh, të dyshuara të vjedhura, si dhe një automjet.

Po ashtu në njoftim thuhet se është arrestuar dhe shtetasi A. K., 33 vjeç, i cili dyshohet se dje ka vjedhur një shumë parash në një banesë në fshatin Arbanë.

Kryen 4 vjedhje në muajt maj-qershor në Tiranë, 2 të arrestuar 1 në kërkim pic.twitter.com/EQGhd9vGqE

— Euronews Albania (@EuronewsAlbania) June 5, 2025

Njoftimi i policisë

Si rezultat i hetimeve të kryera rreth denoncimeve për vjedhje në banesa dhe në subjekte, shërbimet e Komisariatit të Policisë Nr. 6 në bashkëpunim me Komisariatin e Policisë Nr. 2, mundësuan zbardhjen e autorësisë së 4 prej këtyre rasteve. Konkretisht:

-u vu në pranga shtetasi E. D., 20 vjeç dhe u shpall në kërkim shtetasi E. G., 21 vjeç, pasi dyshohet se gjatë periudhës maj-qershor, kanë vjedhur para dhe sende me vlerë, në 1 banesë dhe në 2 lokale;

-u vu në pranga shtetasi A. K., 33 vjeç, pasi dje, dyshohet se ka vjedhur një shumë parash në një banesë në fshatin Arbanë.

Punohet për kapjen e 21-vjeçarit, si dhe për zbardhjen e vjedhjeve të tjera që mund të kenë kryer këta shtetas.

Janë sekuestruar disa bizhuteri dhe një shumë lekësh, të dyshuara të vjedhura, si dhe një automjet.

Materialet procedurale iu referuan Prokurorisë së Tiranës, për veprime të mëtejshme”, thuhet në njoftimin e policisë.