Viktima e parë në RMV, konfirmohen 3 raste pozitive me variantin britanik të COVID-19

Në Maqedoninë e Veriut janë identifikuar tre personat e parë që kanë infektuar me variatin e ri britanik të CPVOD-19, ku një prej tyre ka ndërruar jetë.

Bëhet fjalë për qytetarë të infektuar nga Shkupi dhe Ohri. Rasti i parë është infektuar në 4 janar, kur një test pozitiv u konfirmua tek pacienti, i cili më pas humbi jetën si pasojë e virusit. Rasti i dytë është më 18 janar, ndërsa pacienti u lirua nga trajtimi tre ditë më parë.

Varianti i ri britanik u zbulua edhe tek një 46-vjeçar nga Shkupi i cili tashmë është shëruar.

Autoritetet në RMV bëjnë me dije se do të shqyrtohet mundësia që të mos ketë të tjerë të infektuar me këtë virus të rrezikshëm, veçanërisht nga grupi i fundit i Klinikës së Nefrologjisë, ku për një periudhë të shkurtër kohore ka dhjetëra pacientë.

Mjekët paralajmërojnë se për shkak se transmetohet lehtësisht ndryshe nga mutacionet e tjera, ai me siguri do të bëhet dominues në vend pas disa muajsh, si në shumë vende të tjera të botës.