Vizita e Escobar në Tiranë, Gjiknuri zbulon mesazhet për mazhorancën dhe opozitën

Sekretari i Përgjithshëm i PS, Damian Gjiknuri komentoi vizitën e të dërguarit të posaçëm për SHBA-në për Ballkanin Perëndimor, Gabriel Escobar  në Tiranë.

Në një intervistë për Euronews Albania, ai tha se kishte mesazhe për angazhimet që ka marrë mazhoranca për zgjedhjet por mbi të gjitha për marrëdhëniet mes Shqipërisë dhe SHBA-së.

Ndër të tjera Gjiknuri shtoi se Escobar me vizitën e tij tek kreu i komanduar i PD-së Enkelejd Aliebeaj, e tregoi qartë se kë njeh SHBA.

“Nuk kishte ndonjë mesazh të veçantë përtej atyre që janë thënë gjithmonë për mardhënëniet Shqipëri-SHBA. Patjetër që ka mesazhe për angazhimet që ka marrë mazhoranca në kuadrin e zgjedhjeve të lira dhe demokratike por mbi të gjitha në marrëdhëniet bilaterale SHBA- Shqipëri si dhe mesazhet që ka dhënë me aktorët e tjerë politikë, ku u përforcua se kush janë opozitarët që njihen zyrtarisht nga SHBA dhe kush janë ‘non grata’ . Me Berishën  në krye ai grup njerëzit që e ndjekin atë nuk ka asnjë të ardhme ndërkombëtare. Ne njohim institucionet të këtij vendi”-tha ai.

LEXONI GJITHASHTU: 

• “Qëndro në shkollë”- Projekti kundër braktisjes së arsimit nga nxënësit
• “Ramës po i shket toka nën këmbë”, Berisha: Duhet të fliste për sulmin ndaj Ndrecës