Vjosa Osmani përkujton Enver Petrovcin: I dha artit tonë profesionalizëm e dinjitet

Presidenca e Kosovës, më anë të një postimi në facebook ka shprehur ngushëllime familjes Petrovci për ndarjen nga jeta të aktorit dhe regjisorit, Enver Petrovci.

Presidentja Osmani ka përkujtuar kontributin e Petrovcit në skenat shqiptare me anë të artit dhe profesionalizmit të tij ndër vite.

“Me pikëllim të thellë morëm lajmin për ndarjen nga jeta të aktorit dhe regjisorit, Enver Petrovci.  Ai mbetet një ndër figurat më të shquara të kulturës sonë.

Me talentin dhe veprën e tij i dha artit tonë profesionalizëm dhe dinjitet.  Kujtimi dhe kontributi i tij do të jetojnë përherë në skenat tona dhe në kujtesën e popullit të Kosovës. Ju shpreh ngushëllime të sinqerta familjes Petrovci, miqve dhe gjithë komunitetit kulturor.

Në këto çaste të rënda për familjen, bashkëndjej me ju dhe ju inkurajoj që të gjeni forcë në përballimin e dhimbjes.

I përhershëm qoftë kujtimi për Enver Petrovcin!”, shkruan Presidenca e Kosovës.

LEXONI GJITHASHTU:

• Ndahet nga jeta ikona e filmit dhe teatrit shqiptar, Enver Petrovci
• Protesta në Budapest, qytetarët: Në shesh kundër retorikës së urrejtjes në Hungari