Vllaznia në krye të klasifikimit, Dinamo ndalet nga Teuta në “Niko Dovana”

Vllaznia vijon performancën pozitive në kampionatin shqiptar duke rrëmbyer një tjetër fitore, këtë herë ndaj Bylisit në shtëpi. Një përballje e dominuar nga kuqeblutë, të cilët fituan në shifrat 2-0.

Një gol i Stojanovic zhbllokoi shifrat, e pas tij mundësia qe për ballshiotët që shpërdoruan një 11 metërsh me Rucin. Në minutën e 80’, kapiteni Balaj shënoi dhe golin e sigurisë, që sjell 3 pikët e radhës për shkodranët, me 4 fitore, 1 barazim dhe 1 humbje në 6 javë kampionat.

Në mbrëmje u zhvilluan dhe 2 duele të tjera në kuadër të javës së 6-të, Teuta-Dinamo dhe Elbasani-Egnatia. Të dyja të mbyllura në barazim. Në Niko Dovana, skuadra dinamovite arriti të shënojë e para me Zabërgjan, më pas vendësit barazuan me Torrajn. Në Elbasan nuk pati gola, edhe pse skuadrat krijuan disa raste shënimi, por nuk mundën ta ndalin topin në rrjetë.

Ekipi që duket se po bind deri më tani është Vllaznia, e cila numëron 13 pikë e vendosur në krye, më pas Egnatia, Elbasani, Partizani, Dinamo, Teuta, Skënderbeu, Tirana, Bylis dhe Laçi.