Vllaznia pret në shtëpi Egnatian, Boshnjaku: Do të thyejmë tersin

Vllaznia dhe Egnatia do të përballen me njëra-tjetrën për llogari të javës së gjashtë të Superligës Shqiptare.

Të dyja skuadrat kanë treguar luhatje në formën e tyre, por një fitore në ndeshje ne së mërkurës do të sillte kreun e tabelës për shkodranët, teksa aktualisht udhëhiqet nga rrogozhinasit.

Në kampin kuqeblu kjo përballje cilësohet delikate.

“Është ndeshje e vështirë, Egnatia ka element cilësorë, nesër na duhet lojë në grup, një skuadër solide. Ajo çka më pëlqeu me Teutën është se të gjithë lojtarët kanë bërë mirë, rastet qenë të shumta. Nesër dua të kemi të njëjtën qasje në lojë”, tha Migen Memelli, trajneri i Vllaznisë.

Vllaznia synon të thyejë tersin në përballjet me Egnatian, ndërsa të mërkurën është mundësia.

“Ndeshjet me Egnatian gjithmonë të vështira, nga nesër të thyejmë akullin me ta. I kem itë gjitha mundësitë e shpresoj të dalim me kokën lart. Nuk jemi skuadër më e dobët apo më pak cilësi, shpresoj nesër të tregojmë veten”, u  shpreh sulmuesi Lorik Boshnjaku.

Më tej sulmuesi Lorik Boshnjaku ka folur dhe rreth performancës së tij individuale.

“Normalisht me ardhjen e Memellit, kam shfaqur aftësi ndryshe. Besoj se me golat e mi do ndihmoj ekipin, por nuk më interesojnë statistikat, por vetëm puna dhe fitoret në grup”, tha ai.

27 shtatori vjen dhe me dy sfida të tjera në kampionatin shqiptar, Erzeni-Skënderbeu dhe Teuta-Kukësi. 1 ditë më pas Laçi pret Dinamon, ndërsa kujtojmë se ishte planifikuar dhe derbi i kryeqytetit mes Partizanit dhe Tiranës, i cili është shtyrë në muajin tetor.

LEXONI GJITHASHTU:

• Vllaznia ‘poker’ Hajvalisë, vajzat shkodrane kalojnë më tej
• Vllaznia synon ta nisë mbarë, rikthehet Superliga Shqiptare