Në pallatin e sportit në Vlorë u bënë bashkë veteranët e basketbollit për meshkuj dhe femra që kanë bërë historinë e ekipit të Flamurtarit në këtë sport.
Me shumë vite mbi supe, por pa harruar aspak pasionin dhe dashurinë për basketbollin, të gjithë bashkë zhvilluan një ndeshje miqësore në kuadër të aktiviteteve për 100-vjetorin e krijimit të klubit shumë-sportësh.
Zbritja në parket pas shumë kohësh ishte tepër emocionuese për ish-basketbollistët.
- Advertisement -
Kryetari i bashkisë së qytetit kërkoi pjesëmarrjen e më shumë qytetarëve të Vlorës për ta bërë atmosferën sa më festive.
Aktivitetet do të vijojnë deri në fundjavë. Ish-sportistë të disiplinave të ndryshme do të jenë pjesë e këtyre aktiviteteve për 100-vjetorin e krijimit të klubit Flamurtari.