Rrugë të amortizuara, puseta të dëmtuara, mbeturina dhe kanale të ujërave të zeza të hapura është panorama që sheh që në hyrje të bllokut të parë të banesave në lagjen Kushtrimi në qytetin e Vlorës.

Rruga “Miro Tërbaci” në afërsi të ish fabrikës së tullave në Vlorë është lënë në harresë nga Bashkia e qytetit bregdetar.

Banorët shprehen se në këtë lagje nuk ka pasur asnjë investim prej më shumë se 30 vitesh.

“30 vite, bëmë në shtëpitë këtu u bënë gropat më të mëdha se ne. Asgjë asgjë, hajde shiko rrugën atje, votat i marrin vijnë me vrap.“

“Asnjëherë s’është vënë dorë këtu”- shprehen qytetarët

Një nga problemet më shqetësuese për banorët e lagjes Kushtrimi mbetet rregullimi i sistemit të ujërave të zeza. Në rrugë gjen kanale të hapura, të cilat përveç erës dhe sëmundjeve që mund të mbartin, venë në rrezik edhe jetën e banorëve.

“Po ujërat e zeza shkarkohen këtu, po e di sa erë ka këtu apo jo, asnjë investim.“

Deri më tani nuk ka asnjë fond të paracaktuar nga bashkia e qytetit për rehabilitimin e kësaj lagjeje, një nga lagjet më të vjetra në qytetin e Vlorës ku jetojnë më tepër se 300 familje.

LEXONI GJITHASHTU: 

• SPAK përfundon hetimet për mjekun Edvin Prifti, i komunikon akuzat zyrtare
• “Nuk mundem më”- Telefonata që 41-vjeçarja bëri përpara se të pinte fotoksinë