​Von Cramon i kërkon Kosovës strategji për energjinë

Thëngjilli përveç që vret qytetarët, vret edhe ekonomitë e një vendi, prandaj mbrojtja mjedisore duhet të vendoset në prioritet për Kosovën.

Kështu deklaroi martën në Prishtinë raportuesja për Kosovën në Parlamentin Evropian Viola von Cramon, e cila tha se ka ardhur koha për një strategji të energjisë që do t’i hap derën energjisë së ripërtëritshme.

Në konferencën “Java për zhvillim të qëndrueshëm në Kosovë”, raportuesja  Cramon tha Kosova ka burime të pakta të ujit dhe kërkoi nga autoritetet kosovare menaxhim më të mirë të këtyre burimeve.

Ndërsa, zëvëndëskryeministri Besnik Bislimi theksoi se deri në fund të vitit 2022 do të finalizohet strategjia për energji, e cila siç tha ai parasheh dekarbonizimin e energjisë dhe krijimin e mundësisë për energji të ripërtëritshme.

LEXONI GJITHASHTU:

• Energjia elektrike në Kosovë do të kushtojë 9% më shtrenjtë