Voton kandidati i PS në Cërrik, Doka: Vota, mjet për kërkesë llogaridhënie nesër

Kandidati i Partia Socialiste në Cërrik, Florenc Doka është paraqitur në qendrën e votimit dhe ka hedhur votën e tij lidhur me zgjedhjet që po mbahen këtë të dielë. Doka gjatë fjalës së tij para gazetarëve i bëri thirrje qytetarëve të votojnë. Ai theksoi se vota e sotme është mjet për kërkesë llogaridhënie nesër.

“Vota e sotme është mjet për kërkesë llogaridhënie nesër. I ftoj qytetarët të dalin masivisht në zgjedhje. Ta shfrytojnë kohën e mirë për të votuar dhe pastaj të vazhdojnë ditën e tyre të pushimit apo të punëve që kanë. Procesi po shkon normal.

Shpresojmë që çdo gje që ka shkuar në fshat të shkojë edhe ditën e sotme. Dhe pastaj të dalim me rezultatet të vijojmë t’i kthehemi normalitetit si komuniteti i vogël që jemi. Zgjedhjet tashmë kanë një trend në ulje, shpresojmë që kësaj radhë qytetarët e Cërrikut të dalin masivisht në zgjedhje”, tha ai.

LEXONI GJITHASHTU:

• Voton kandidati i PS në Tepelenë, Sako: Qytetarët të shprehin vullnetin të lirë
• E zë korrenti gjatë punës, vdes punonjësi i kompanisë së internetit në Shkodër