Sondazhi, votuesit e PD nuk e donin përjashtimin e Berishës nga grupi parlamentar

Shumica e votuesve të PD-së nuk e donin largimin e Sali Berishës nga grupi parlamentar. Përkundrazi ata kërkonin që PD ta mbështeste Berishën në çështjen me SHBA-në.

Sondazhi i Euronews Albania dhe MRB tregoi se 71.2% e votuesve të PD nuk e mbështesnin përjashtimin e Berishës nga grupi parlamentar i demokratëve – 12.8% e mbështesnin, 12.4% ishin në mëdyshje, 3.6% dhanë përgjigje “nuk e di”.

Të pyetur se sa dakord janë me thënien “PD duhet ta mbështesë Sali Berishën”, 58% e votuesve të PD-së u përgjigjën po, 28.4% jo dhe 10% ishin në mëdyshje “as po as jo”.

Ndryshe u përgjigjën personat që më 25 prill zgjodhën të mos votojnë dhe që për këtë mund të konsiderohen si “elektorati gri”.

Shumica e tyre (56.5%) ishin kundër një mbështetjeje të PD-së ndaj Berishës edhe pse në rastin e largimit apo jo të tij prej grupit parlamentar ishin të dyzuar – 21.4% u përgjigjën “nuk e di”, 12.6% “jo” dhe 9.5% “po”.

Votuesit e PD s’e donin përjashtimin e Berishës nga grupi parlamentar by Euronews Balkans

Metodologjia:

Sondazhi u krye në nivel kombëtar në bazë të 1 mijë intervistave (49.5% meshkuj, 50.5% femra të moshës mbi 18 vjeç) nga data 10 deri më 28 gusht.

LEXONI GJITHASHTU:

• Shumica e shqiptarëve e mbështesin vendimin e SHBA për të shpallur “non grata” ish-kryeministrin Sali Berisha.
• Drejtori i MRB për përjashtimin e Berishës: Bashës i jep kredite dhe fuqi prej udhëheqësi
• Me përjashtimin e Berishës, demokratët po marrin pasojat e akteve që miratuan vetë, thotë pedagogu
• Nesër mund të ketë ndarje të PD-së, thotë eksperti për çështjet zgjedhore
• Gazetarja paralajmëron “luftë” brenda PD: Do të ketë krizë