“Vrasësi s’i dorëzoi djalin nënës”- Gashi zbardh ekzekutimin e 21-vjeçares në Kosovë

Gazetarja Edona Gashi ka rrëfyer detaje lidhur me vrasjen e 21-vjeçares në Kosovë nga ish-partneri i saj.

Në emisionin “Good Morning Albanians” në Euronews, Gashi tha se konflikti nisi pasi vrasëse nuk ia dorëzoi fëmijën nënës pas ndarjes.

Ajo tha gjithashtu se vrasësi ishte i martuar dy herë dhe sipas saj, nga martesa e parë kishte edhe 3 fëmijë.

“Po flasim çdo ditë, po reagojmë në forma të ndryshme, mirëpo fakti që po vriten çdo ditë gra, po vijon. Nuk është se janë zbardhur shumë raste, por ajo që dihet është se personi në fjalë ka qenë i martuar edhe më herët dhe ka 3 fëmijë nga martesa e parë dhe 1 fëmijë nga martesa e dytë.

Ai ka thënë në gjykatë se ka dashur të bëjë edhe vetëvrasje pas ngjarjes, por nuk i kanë mjaftuar plumbat. Ajo që dihet është se vrasëse në këtë rast nuk e ka dorëzuar fëmijën dhe këtu ka nisur gjithë konflikti me institucionin ku kanë shkuar fillimisht.

Është një akt shumë i keq që një vajzë 21 vjeçare të humbë jetën. Ajo që dihet deri tani është se vrasësit i është caktuar masa e paraburgimit. Jetonin në Ferizaj, por nuk ka shumë detaje”, tha Gashi.

LEXONI GJITHASHTU:

• Vrasja e 21-vjeçares nga ish-bashkëshorti, Kurti: Nuk na duhen detajet
• Presidenti Begaj vizitë me ftesë të Osmanit në Kosovë, zbardhet axhenda