Vrasja e Renis Dobrës, Gjykata e Dibrës lë në burg Bushgjokën dhe Petrit Çakrrin

Gjykata e Dibrës ka caktuar masën e sigurisë “arrest me burg” për Fatjon Bushgjokën dhe Petrit Çakrrin, të dyshuar për përfshirje në vrasjen e Renis Dobrës.

Para togave të zeza, ata kanë mohuar përfshirjen në këtë ngjarje të rëndë kriminale.

Ndërkohë, dy persona të tjerë të dyshuar për të njëjtën ngjarje, Kristi dhe Aleksandër Bushgjokaj, vijojnë të jenë në arrati dhe janë shpallur në kërkim nga autoritetet.

23-vjeçari Renis Dobra dyshohet se u mbyt me litar mbrëmjen e 8 korrikut, pasi fillimisht u mor peng.

Trupi i tij u gjet buzë lumit të Shkopetit, ndërsa makina ishte në ujë. Policia zbardhi vrasjen pas këqyrjes së një sërë kamerash sigurie, të cilat i çuan te makinat me qira që autorët e dyshuar kishin marrë për disa ditë me radhë.

Dyshohet se prishja e pazareve të drogës në Gjermani ishte shkaku i vrasjes së Renis Dobrës.

23-vjeçari ishte i dënuar në Gjermani për shpërndarje të lëndëve narkotike, si pjesë e një grupi të strukturuar kriminal.

LEXONI GJITHASHTU:

• Arrestohen ekzekutorët e Renis Dobrës, njëri dëshmitar në vrasjen Azem Hajdarit
• Dalin pamjet kur autorët ndjekin dhe rrëmbejnë 23-vjeçarin që u gjet i vdekur