Vrasje me armë zjarri në Tropojë

Një person është vrarë me armë zjarri të premten në Tropojë.

Përmes një njoftimi policia bëri me dije se rreth orës 13:40, në një lokal në fshatin Dojan, dyshohet se shtetasi Flordjan Mulaj, rreth 35 vjeç, për motive të dobëta, ka qëlluar me armë zjarri shtetasin Artur Dauti, rreth 43 vjeç, i cili për pasojë ka ndërruar jetë.

Në drejtim të Tropojës janë nisur forcat operacionale të DVP Kukës, specialistët e Hetimit të Krimeve, dhe dy grupe të Forcës Kombëtare të Sigurisë Njësia Shkodër, për lokalizimin dhe kapjen e autorit.

Ndërkohë, grupi hetimor nën drejtimin e Prokurorisë vijon punën për zbardhjen dhe dokumentimin e plotë ligjor të këtij rasti,  si dhe shoqërimin e personave të tjerë të përfshirë në këtë ngjarje.

LEXONI GJITHASHTU:

• Prokuroria ashpërson akuzën për autorin e vrasjes së 14-vjeçarit
• Vrasja e 14-vjeçarit: Jepet masa për autorin, gjyqtarja ia komunikon në spital