Vuçiç falenderon presidentin e Kinës: I angazhuar për respektimin e rezolutës 1244

Presidenti i Serbisë, Aleksandër Vuçiç i ka shprehur falenderime dhe mirënjohje homologut të tij kinez, Xi Jinping.

Përmes një postimi në rrjetet sociale, Vuçiç tha se Xi Jinping është angazhuar me këmbëngulje për respektimin e Rezolutës 1244.

Ai shprehu gjithashtu besimin e tij se dashuria që kanë dy popujt për lirinë dhe paqen e forcon edhe më shumë miqësinë tradicionale.

“Presidenti Xi shpesh përmend një fjalë të urtë kineze: Le të zëvendësojmë armët e luftës me dhuratat e nefritit dhe mëndafshit”, theksoi presidenti serb.

“Ashtu si Republika Popullore e Kinës, Serbia qëndron për respektimin e rreptë të parimeve themelore të së drejtës ndërkombëtare. Republika Popullore e Kinës, si një anëtare e përhershme e Këshillit të Sigurimit të OKB-së, ka qenë gjithmonë e përkushtuar për ruajtjen e paqes dhe ka ofruar mbështetje diplomatike për integritetin territorial të Serbisë dhe përpjekjet tona për të mbrojtur rendin juridik ndërkombëtar”, shtoi Vuçiç.

LEXONI GJITHASHTU

• Sonte në mesnatë skadon afati për formimin e qeverisë së re në Mal të Zi
• Kurti: Plani i zbatimit i marrëveshjes bazë duhet të përmbajë detaje konkrete
• Ambasadori i SHBA në Kosovë për planin e BE-së: S’ka marrëveshje më të mirë