Vuçiç “kërcënon” Malin e Zi: Shpresoj që janë të vetëdijshëm çfarë po bëjnë

Presidenti i Republikës së Serbisë, Aleksandar Vuçiç, do të takohet sot me Komisionerin e Bashkimit Evropian për Politikë të Fqinjësisë dhe Zgjerim, Oliver Varhelji.

Siç thuhet në njoftimin për media të Zyrës, takimi do të fillojë në orën 17:00, në godinën e Sekretariatit të Përgjithshëm të Presidentit të Republikës.

Pas takimit, dy zyrtarët do të kenë dhe deklarate për mediat.

Aleksandër Vuçiç ka bërë të ditur se javën e ardhshme do të shkojë në Nju Jork për t’iu drejtuar edhe një herë Asamblesë së Përgjithshme të OKB-së dhe t’u bëjë thirrje atyre që të mos votojnë për rezolutën për Srebrenicën.

Në fjalimin e tij në tubimin parazgjedhor në Lazarevac, ai përmendi se në ditët në vijim do të ketë bisedime edhe me kancelarin gjerman Olaf Scholz, si dhe me zyrtarë ukrainas dhe rusë.

Vuçiç thotë se dhjetë ditët e ardhshme do të jenë ditë luftimesh të vështira për Serbinë.

Nuk kemi asgjë më të madhe dhe më të rëndësishme se Serbia në botë, tha presidenti i Serbisë.

“Shpresoj që Mali i Zi të është i vetëdijshëm çfarë po bën”, tha Vuçiç. Ai paralajmëroi se retë e errëta po varen mbi Serbi dhe se ai shpreson se Podgorica nuk do ta lërë të zhgënjyer popullin serb.