Vuçiç mandaton Ana Bërnabiç për kryeministre të Serbisë

Presidenti i Serbisë, Aleksandar Vuçiç propozoi Ana Bërnabiçin në postin e kryeministres së Qeverisë së re të Serbisë.

Në një konferencë për media në Beograd, Vuçiç u shpreh se vendimi për mandatarin e ri të Qeverisë ishte i ndërlikuar.

Ai tha se Bërnabiç nuk do të jetë në krye të ekzekutivit për një mandat të plotë dhe paralajmëroi se më 2024 do të ketë ndryshime në qeverinë serbe.

Megjithatë, presidenti serb nuk specifikoi se çfarë ndryshimesh do të ketë në Qeverinë serbe.

“Ana tani ka detyra të rëndësishme”, tha Vuçiç.

Bërnabiç ka qenë në krye të Qeverisë serbe në mandatin e kaluar dhe ishte mandatar nga partia në pushtet, Partia Përparimtare Serbe.

Qeveria serbe zgjidhet në Kuvend pas propozimit të kandidatit për kryeministër. Kuvendi më pas voton për zgjedhjen e kabinetit qeverisës.

Për postin e kryeministrit të Serbisë opsionet ishin: Ana Brnabiç, Millosh Vuçeviç dhe një kandidat nga radhët e partnerëve të koalicionit të Partisë Progresive Serbe.

Vuçiç më herët kishte paralajmëruar se nga shpallja e mandatit të propozuar deri në përbërjen përfundimtare të qeverisë së re do të duhet pak kohë dhe se Serbia shumë shpejt do të ketë qeverinë e re.

LEXONI GJITHASHTU:

• Lajçak vlerëson Vuçiç: Përpjekje të sinqerta për një zgjidhje evropiane
• ‘Duhet të mbroni serbët që janë minoritet’, Vuçiç kundër paralajmërimit të KFOR