‘Vuçiç mes Moskës dhe BE-së’, analisti: Shansi i fundit për të vendosur

Sipas analistit, Gazmir Raci, 2023-shi do të jetë një vit vendimtar për politikën e jashtme serbe.

Në një intervistë për Euronews Albania, Raci nënvizoi se Serbia duhet të vendosë nëse do realisht të anëtarësohet në BE, por edhe për raportet e saj me Rusinë.

“Ky është viti vendimtar për politikën e jashtme serbe, për dy çështje. Për çështjen e dialogut me Kosovën dhe po ashtu në raport me Federatën Ruse. Përtej këtij viti, nuk mund të ecë tutje dhe nuk mund të bëjë asnjë hap para drejt anëtarësimit në Bashkimin Evropian.

Serbia, në 6 mujorin e këtij viti, duhet të bëjë diferencimet e saj në politikën e jashtme, a do vërtet të sillet vërtet si evropiane dhe duhet të vendosë në raport me Federatën Ruse. Nuk mund të ecë tutje përtej këtij viti”, theksoi ai.

LEXONI GJITHASHTU

• Nis takimi i Kurtit me Escobar, Lajçak dhe zyrtarët e lartë të BE-së
• Vuçiç kundër Putinit, reagon me zemërim ndaj grupit rus që kërkon rekrutë në Serbi
• Analisti: Vuçiç tradhtoi Merkelin, ja çfarë i premtoi ish-kancelares