Vuçiç nis përplasjen me Slloveninë! Eksperti zbulon planin

Analisti Sadri Ramabaja komentoi në një intervistë për Euronews Albania përplasjen e presidentit të Serbisë Aleksandër Vuçiç me Slloveninë pas deklaratës së këtij të fundit në OKB.

Sipas tij, Serbia pretendon të luajë rolin e viktimës dhe do të sulmojë këdo që i pret rrugën, por roli i diplomacisë sllovene ka qenë edhe në dobi të Serbisë për ta kthyer atë në kursin perëndimor.

“Është një betejë e radhës që Serbia e humbet dhe rrëshqet në tapetin e irracionalitetit në fushën e komunikimit diplomatik. Serbia pretendon të luajë rolin e viktimës dhe edhe nëse një zog ja pret rrugën do e sulmojë. Diplomacia sllovene jam i bindu se ka një rol pozitiv edhe në dobi të Serbisë; pretendimi që ta përafrojë Serbinë me Perëndimin. Ndërmjetësuesi Lajçak e ka larguar Serbinë nga Perëndimi duke e dorëzuar në prehrin e Rusisë. Aktualisht Serbia është plotësisht e pozicionuar në krahun lindor. Do jetë vështirë të prishet republika e Malit të Zi, të krijohet bota serbe duke iu plotësuar edhe ky oreks Serbisë që të pozicionohet nga Perëndimi”, tha Ramabaja.

LEXONI GJITHASHTU:

• “Sllovenët janë të neveritshëm” – Deklarata e Vuçiç në OKB shkakton reagime
• Vuçiç në OKB: Të marrë fund persekutimi e serbëve në Kosovë