Vuçiç para takimit me Kurtin në Ohër: Do të ruajmë Serbinë e plotë

Presidenti i Serbisë, Aleksandër Vuçiç deklaroi se qeveria në Beograd do të ruajë “Serbinë e plotë, ashtu siç është e parashikuar në Kushtetutë”.

Në Kushtetutën serbe, Kosova figuron si pjesë e Serbisë, shkruan REL.

Ai këto deklarata i bëri më 17 mars gjatë një vizite në perëndim të Serbisë, një ditë para takimit me kryeministrin e Kosovës, Albin Kurti, në Ohër të Maqedonisë së Veriut, ku do të bisedojnë për planin e zbatimit të propozimit evropian për normalizimin e raporteve mes Kosovës dhe Serbisë.

“Ne kemi bërë shumë gabime në të kaluarën dhe nuk duhet të përsërisim gabime të tilla”, tha Vuçiç.

Ai shtoi se Serbia “nuk do të izolohet”.

“Para nesh na pret një periudhë jo lehtë, por kur ne udhëheqim një politikë të përgjegjshme, serioze dhe të mençur, Serbia del fituese”, u shprehai dhe përsëriti se do të “ruajë paqen”.

LEXONI GJITHASHTU

• BE publikon agjendën për takimin Kurti-Vuçiç më 18 mars
• “Pakicat bullgare në Kushtetutë”, BE: Maqedonia e Veriut në rrugën e duhur
• Bandat e Shqipërisë, më të strukturuara sesa ato të Kosovës apo të RMV