Presidenti i Serbisë, Aleksandër Vuçiç, ka thënë sot se ata që organizojnë zgjedhje në katër komuna në veri të Republikës së Kosovës i kanë bashkuar serbët që jetojnë atje, përfshirë edhe ata që mendojnë ndryshe.

I pyetur nga një gazetar që të komentojë vendimin e djeshëm të liderit të Partisë së Serbëve të Kosovës, Aleksandar Jabllanoviç, për të mos marrë pjesë në zgjedhje, ai tha se ishte një vendim i zgjuar dhe i mençur.

“Këta njerëz nga Perëndimi po krijojnë një cirk. Ata mendojnë se mund t’i detyrojnë serbët të duan Kosovën e pavarur duke paguar disa OJQ dhe media që t’i detyrojnë ata të votojnë”, tha Vuçiç dhe shtoi: “Ata bashkuan popullin serb, ata bashkuan njerëzit që mendojnë ndryshe”.

I pyetur për të komentuar deklaratën e ambasadorit amerikan Christopher Hill se nuk ka kushte për mbajtjen e zgjedhjeve në veri të Kosovës, Vuçiq tha se Hill është një njeri serioz, një intelektual dhe se e kupton situatën.

LEXONI GJITHASHTU:

• Zgjedhjet në Veri, Vuçiç: Ditë e vështirë për popullin serb dhe turpi i Evropës
• Takimi i ri Kurti-Vuçiç në Bruksel më 2 maj