Vuçiç: Sfidat ekonomike po rriten për Serbinë

Sfidat ekonomike që pasojnë luftën në Ukrainë po bëhen gjithnjë e më të vështira për Serbinë, tha presidenti Aleksandar Vuçiç.

Vuçiç ka paralajmëruar se në ditët në vijim do t’i informojë qytetarët e Serbisë për masat që do të ndërmerren.

“Ne po reagojmë ndaj çmimeve më të larta në histori, si qymyri, energjia elektrike dhe gazi, dhe të gjitha lëndët e para. Por çmimet e produkteve ushqimore bazë po rriten në mënyrë dramatike,” tha ai në një video të postuar në Instagram.

Dhoma Ekonomike e Serbisë njoftoi më 25 shkurt se nuk ka nevojë që popullsia e Serbisë të grumbullojë stoqe për shkak të luftës në Ukrainë.

Ukraina dhe Rusia janë eksportues të mëdhenj të drithërave, por Serbia vetë-mjaftohet në prodhimin e këtyre mallrave, njoftoi Dhoma e Tregtisë.

Ndërkohë Vuçiç tha se Serbia do të kapërcejë “sfidat politike” në lidhje me situatën në Ukrainë.

Qëndrimi zyrtar i Serbisë, i miratuar më 25 shkurt në seancën e Këshillit të Sigurisë Kombëtare, është se Serbia e mbështet plotësisht integritetin territorial të Ukrainës, por se ajo nuk do të vendosë sanksione ndaj Rusisë për momentin.

Parlamenti Evropian shprehu keqardhje për mospërshtatjen e Serbisë me sanksionet e BE-së ndaj Rusisë.

Në e PE-së, thuhet se mos rreshtimi i Serbisë përkrah vendeve perëndimorë dëmton procesin e anëtarësimit drejt BE-së dhe “përsëritet pritja që kandidatët për anëtarësim në BE të përshtaten jo vetëm me ligjet e BE-së, por edhe me politikën e jashtme dhe të sigurisë së bllokut”.

LEXONI GJITHASHTU: 

• Kurti: Kosova e shqetësuar se lufta e Putin mund vijë në Ballkan

• Vuçiç reagon ndaj kërkesës së Kosovës për anëtarësim në NATO