“Vuçiç, shërbëtor i Putin”, zyrtari gjerman: Nuk është partner i besueshëm për BE

Michael Roth, president i Komisionit për Punë të Jashtme të Bundestagut gjerman, tha për gazetën “Nova” të enjten se Aleksandër Vuçiç nuk është më një partner i besueshëm.

Ai u shpreh se nuk ka vend për shërbëtorët e Putinit në Bashkimin Evropian.

“Vëzhguesit ndërkombëtarë në këto zgjedhje raportuan blerjen e votave dhe përdorimin e votuesve fantazmë në favor të SNS-së në pushtet. Këto janë metoda të një sundimtari autokratik, jo të një presidenti që është i përkushtuar ndaj demokracisë dhe shtetit të së drejtës dhe dëshiron ta udhëheqë vendin e tij në BE”, tha Roth.

Reporteri në Bundestagun për Ballkanin Perëndimor, Thomas Hacker, tha për N1 , duke folur për zgjedhjet në Serbi, se “vëzhgues të ndryshëm kanë konstatuar parregullsi të ndryshme”.

Sipas tij, marrëdhëniet ekonomike ndërmjet Serbisë dhe Gjermanisë kanë qenë shumë intensive për vite me radhë. Ai përsëriti se hapja dhe transparenca janë më të rëndësishmet në zgjedhjet demokratike.

“Qeveria duhet të ketë interes, nëse gjithçka ka qenë në rregull, ta vërtetojë duke treguar listat e votuesve. Nëse nuk e bëjnë këtë, mendoj se BE-ja ka detyrim të bëjë pyetje se çfarë po ndodh me parregullsitë e raportuara nga vëzhguesit ndërkombëtarë, çfarë ndikimi kanë pasur këto manipulime në rezultatet e zgjedhjeve”, thotë ai.

Sipas tij, “në parlamentin e Beogradit këto manipulime, siç duket, ndryshuan ndjeshëm rezultatin dhe votat e opozitës duket se kanë kaluar në duart e pushtetarëve”.

LEXONI GJITHASHTU

• Vuçiç akuza Perëndimit: Aktiviteti i aktorëve të huaj në Serbi, më serioz se kurrë
• Media amerikane: Deri kur do të tolerohet diktatori Aleksandër Vuçiç?