Vuçiç zgjat pushimet dimërore të shkollave, kërkon të pengojë protestat në Beograd

Dhjetëra mijëra vetë po protestojnë në Beograd kundër presidentit të Serbisë Aleksandar Vuçiç dhe qeverisë së tij. Për të dobësuar ndikimin e protestave, qeveria serbe ka vendosur të zgjasë pushimet dimërore të shkollave.

Ndërkohë, grupe pro-qeveritare kanë tentuar të pengojnë organizimin e protestave duke shkaktuar përplasje të dhunshme.

Protestat e organizuara nga studentët dhe sindikatat e fermerëve, janë pjesë e një lëvizjeje më të gjerë që kërkon përgjegjësi për shembjen e çatisë së stacionit hekurudhor në Novi Sad që shkaktoi 15 të vdekur më 1 nëntor.

Gjithashtu, protestuesit akuzojnë qeverinë për korrupsion. Revolta e studentëve në Serbi, filloi me bllokimin e Fakultetit të Arteve Dramatike në kryeqytetin serb dhe më pas u përhap në më shumë se 50 fakultete të tjera në të gjithë vendin.

Shkollat ​​në të gjithë Serbinë do të mbyllen për pushimet dimërore një javë më herët se sa ishte planifikuar këtë vit, pasi qeveria e presidentit nacionalist, Aleksandar Vuçiç, kërkon t’i ndalë protestat kundër korrupsionit.

LEXONI GJITHASHTU:

• Protestat në Serbi: Vuçiç u betohet qytetarëve mbi flamur, u rikujton seancën në OKB
• Protestat në Beograd, analisti serb: Vështirë të ketë dialog