Numri dy i qeverisë së Serbisë, Aleksandër Vulin ndodhet në një vizitë zyrtare në Rusi. Këtë të hënë ai mori pjesë në ceremoninë e zbulimit të monumentit të partizanëve jugosllavë në Parkun Patriot pranë Moskës.
Në një mesazh pas ceremonisë, Vulin u shpreh se “serbët dhe rusët e fituan lirinë e tyre në Luftën e Dytë Botërore dhe lirinë u sollën edhe kombeve të tjera”.
Qeveria e Serbisë njofton se Vulin do të takohet me zyrtarët më të lartë të Rusisë në Moskë, si dhe do të vizitojë ekspozitën e pajisjeve ushtarake në kuadër të Forumit Ushtarak dhe Teknik Ndërkombëtar “Ushtria 2024”.
Brenda pak muajsh që kur është zgjedhur zëvendëskryeministër, Vulin ka vizituar dy herë Rusinë.
Vizita e numri dy të qeverisë se Serbisë në Moskë shihet si një mbështetje e hapur ndaj Rusisë, në kohën që shumica e vendeve europiane kanë vendosur sanksione ndaj saj.
Vulin është një politikan i sanksionuar nga SHBA për korrupsion dhe aktivitete që cenojnë sigurinë e Ballkani, por pavarësisht kësaj presidenti Aleksandër Vuçiç e bëri pjesë të qeverisë. Ai ka qenë drejtor i Shërbimit Sekret Serbe dhe cilësohet si një nga ideatorët e ngjarjes së Banjskës në Kosovë, ku një grup paramilitarësh serb sulmoi policinë e Kosovës.
LEXONI GJITHASHTU:
- ‘E ardhmja e Serbisë, jashtë BE’, Vulin: Të integrohemi në vendet e BRICS
- Policia e Kosovës arreston bashkëpunëtorin e Aleksandër Vulin
