Xhaxhai i lë live amanetin nipit: Historia e pëllumbit Balli s’duhet të vdesë me mua

Ibrahim Karaj, një adhurues i pëllumbave ka rrëfyer në “Real People” në Euronews Albania pasionin e tij për ritjen e këtij shpendi.

Karaj shprehet se shqetësohet shumë kur pëllumbat humbasin, apo kur lindin zogjtë e vegjël që duan kujdes të veçantë, sidomos kur bëhet fjalë për një racë të rrallë si pëllumbi Balli.

Madje ai i lë amanet live në emision nipit se nëse vdes në mënyrë të papritur ai duhet të kujdeset për pëllumbin Balli.

“Amanetet lihen patjetër dhe për pëllumbin. Amanetet po ja lë nipit, po vdiqa “bam bam” që të mos kem kohë të lë amanete, po ja lë tani në television: ‘Kur të vdesë xhaxhi Bimi t’i duhet të mbash pëllumbat, t’i trashëgosh pasi kjo është një pasuri dhe diçka e rrallë. Pasi nesër pasnesër, ashtu siç bëjnë edhe shtetet e tjera që investojnë në gjëra të rralla, dhe Shqipëria do t’i mbështesë dhe do të investojë për gjërat e rralla’. Pëllumbi Balli duhet të njihet nga shteti dhe duhet të ketë një institucion”, tha ai.

LEXONI GJITHASHTU:

• Përkushtimi i Ibrahimit: Prej pëllumbave, s’kam bërë kurrë pushime me familjen
• Rrëfimi i Ibrahimit: Kam 22 vite që marr ilaçe tensioni prej pëllumbave, ja arsyeja