Xhaxhiu shpjegon evolucionin: Pjesë e medias në vitin 98’, kam jetuar 3 periudha

Gazetari Rezear Xhaxhiu komentoi evolucionin e medias ndër vite, në Ditën Botërore të Televizionit.

Në një intervistë për “Good morning Albanians” në Euronews Albania ai tha se ka dëshmuar 3 epoka në televizion.

“Unë vija nga shtypi i shkruar dhe u vura si drejtor i lajmeve në televizionin Arbëria. Ishte televizioni i dytë privat pas Shijakut në Shqipëri. Unë kam jetuar 3 periudha të gazetarisë, periudhën e post viteve 90’ të shtypit të shkruar, pastaj fundi i viteve 90’ ku filluan televizionet e para private dhe periudha e tretë që është e post viteve 2000 e deri tani që po flasim. Ka diferenca të mëdha nga një periudhë te tjetra në mënyrën e të bërit televizion,” – u shpreh Xhaxhiu.