Ylli Gurra: Plagë e madhe në Afganistan, talebanët keqpërdorin Kuranin

Talebanët kanë urdhëruar mbylljen e salloneve të bukurisë në Afganistan, ka thënë një zëdhënës i qeverisë. Kjo vjen pasi talebanët ndaluan gratë nga arsimi universitar, hapësirat publike dhe shumica e formave të punësimit.

Në kuadër të kësaj teme, ish-myftiu i Tiranës, Ylli Gurra tha në një intervistë për “Goodmorning Albanians” në Euronews Albania se talebanët e keqpërdorin Kuranin dhe kjo është një plagë e madhe në Afganistan.

“Për realitetin tonë është paksa larg Afganistani, por kohët e fundit jemi njohur pak më shumë me problematikat me sfondin fetar. Afganistani është një ndër vendet më problematike edhe në raport me korrupsionin, për të mos hyrë në zinxhirin më të gjatë. Pra, përkundër një plage shqetësuese në marzhin e saj më të vogël edhe në vendet perëndimore, jo më në Afganistan, kjo është ndër plagët me të thella dhe më të mprehta. Akoma nuk ka një qeveri të mirëfilltë, por përdoret libri fetar,” – u shpreh Gurra.

LEXONI GJITHASHTU:

• Mbyllen sallonet e bukurisë, urdhri i ri i talebanëve zemëron gratë afgane
• Talebanët vrasin liderin e IS-it që planifikoi sulmin në aeroportin e Kabulit