Ylli Manjani tregon rastin në gjykatë: Vodhën sallam ta hanin dhe i çuan në burg

Juristi Ylli Manjani tregoi në “Now me Erla Mëhillin” një rast nga gjykata, ku një çift u dënua pasi kishin vjedhur sallam.

Ai ironizoi vendimin e gjykatës duke thënë se “i do fort” e se nuk mund t’u kërkohet llogari pse nuk merren me çështje që vlejnë miliona euro, pasi duhet të japin vendime “shembullore” për një sallam.

“I ka futur një të dënuar gjykata e Tiranës një çifti për një rrotë sallam që e kishin vjedhur. E kishin vjedhur se u hahej bukë, mo. I kanë futur një të dënuar…I hahet moj njeriut, çfarë do bëjë?! S’kam lekë, do shkoj ta vjedh, ta ha. I kanë futur një të dënuar shembullore. Ju thoni tani, të merret gjykata me 100 milionë euro,” – tregoi Manjani.

Juristi tregoi se çifti është ende duke vuajtur dënimin në burg.

LEXONI GJITHASHTU:

• Manjani tregon prapaskenat si ministër drejtësie: Si nisi lufta e Rama-Becchetti
• Spahiu: Bejko i pari që ka mundësinë të tregojë se PD është më e madhe se Berisha