Zambakët e ujit, zona më e bukur e Liqenit të Shkodrës

Traditës së shkodranëve për zgjimin herët, iu bashkëngjit dhe gazetarja Loneta Progni.

Në serinë e parë të udhëtimit, sapo dita zbardhi, Loneta vizitoi liqenin e Shirokës së bashku me blogeren Revja Toska, e cila është vetëm nëntë vjeç dhe shkruan në anglisht për qytetin e Shkodrës dhe pikat më interesante të këtij destinacioni turistik.

Duke qenë se zona është shumë delikate dhe ka nevojë për shumë kujdes, vajzave iu bashkua dhe udhërrëfyesja turisike, Aurora Piroviç.

Nga pjesa perëndimore e liqenit të Shkodrës, të tria u nisën me kanoe drejt pjesës lindore, aty ku i priste dhe bukuria mbresëlënëse e zambakëve të ujit.

Udhëtimi u bë edhe më interesant ndërsa Revja tregonte legjendën e kalasë së Rozafës.

Me shpendët karakteristik të liqenit që fluturonin mbi kokat e tyre dhe zambakët që kishin rrethuar kanoet, Aurora shpjegoi që ajo lloj bukurie mund të shijohej nga fillimi i muajit prill deri në fund të shtatorit.

LEXONI GJITHASHTU:

“Udhëtarët” takohen në urën e Bunës, simbol i qytetit të Shkodrës

Udhëtimi me biçikletë, karakteristikë e rrugëve shkodrane

Maskat e karnavaleve shkodrane që eksportohen në Venecia

5 gjërat që mund të bëni brenda një fundjave në Shkodër