Zbardhen ndryshimet e plota në Kodin Rrugor: Patenta rinovohet çdo 15 vjet

Të rinjtë që sapo marrin patentën nuk do të kenë mundësi të drejtojnë mjete me fuqi të lartë motorike.

Ndryshimet e miratuara në kodin rrugor, sanksionojnë qartazi fuqinë motrorrike që do të ketë automjeti që do të mund të përdoret nga personat që nuk kanë eksperiencë në drejtimin e mjetit.

Eksperti i sigurisë rrugore bëri me dije dhe fuqinë motorike që do të kenë makinat që përdoren nga drejtuesit që sapo kanë marrë patentën.

“Është bërë e mundur që drejtuesit e rinj të mjeteve të sapo patentuar deri në 2 vjet nuk mund të drejtojnë automjete më  kapacitet 50kw/ton me djegie të brendshme, automjetet hibride me kapacitet 65kw/ton”, tha Likaj.

Kufizimi i shoferëve të rinj për të përdorur makina me fuqi të lartë motorrike, synon uljen e numrit të aksidenteve, por eksperti thekson se do të jetë detyrë e instatncave shtetërore për të bërë të zbatueshëm këtë nen.

Me ndryshimet e reja patenta nuk do të rinovohet më çdo 10 vjet për personat deri në moshën 50 vjeç dhe çdo 5 vjet pas kësaj moshe.

“Deri në moshën 70 vjeç rinovimi i lejes së drejtimit do të bëhet çdo 15 vjet dhe pas moshën 50 vjeç rinovimi do bëhet duke konfirmuar me kartelë mjeksore pranë DPSHTRR”, tha Likaj.

Një tjetër ndryshim në Kodin Rrugor është edhe ofrimi i mundësisë që heqja e leje drejtimit të konvertohet me pagesën e një shume që është sa dyfishi i masës administrative maksimale të parashikuar për normën e shkelur.

LEXONI GJITHASHTU:

• Rama zbulon emrin për kreun e ri të SHISH: Ia paraqita sot Presidentit Begaj
• Arrestimi i Allës, kreu i PD-së në Bulqizë: Ishte përdorues i lëndëve narkotike
• Berisha: Basha dhe Alibeaj s’kanë lidhje me PD, Rama po i përdor pa mëshirë