Zbardhet dosja, Arjan Tase tentoi të largohej nga bregu, pushuesit e ndaluan

Prokuroria për Arjan Tasen dërgoi në gjykatë një kërkesë për caktim mase sigurie vetëm tre faqe.

Provat për grupin hetimor kanë qenë të qarta, por diskutimi më i madh që ka pasur prokuroria është caktimi i veprës penale me të cilën do të hetohet efektivi policisë.

Në dosjen e prokurorisë të cilën Euronews Albania e ka siguruar janë dëshmitë e babait të vajzës 7- vjeçare, një i afërm i tij dhe të një pushueseje.

Bledar Avdia babai i vajzës 7-vjeçare që humbi jetën i ka thënë hetuesve se ka qenë duke u larë në bregun e detit kur në këtë moment ka parë një skaf që po i afrohej bregut.

Pasi ka kaluar piketat të cilat nuk duhet t’i kalonte, Tase ka hyrë në plazhin plot me pushues me shpejtësi skëterrë.

Pasi ka marrë familjarët e tij, ai ka marrë një kthesë dhe në këtë moment ka goditur me helikat e gomones vajzën.

Në këtë moment ai ka bërtitur fort dhe ka parë Arjan Tasen të largohet me shpejtësi në det.

Sipas prokurorisë Arjan Tase ka kryer vrasje me dashje në mënyrë indirekte.

Ai nuk ka pasur qëllim të vrasë vajzën, por pasojën që mund të vinte nga veprimi i tij ai e ka ditur.

LEXONI GJITHASHTU:

• Fjalët e Arjan Tases në Gjykatë, 5 ngjarjet kryesore
• Vrasje me dashje indirekte, Gjykata lë në burg ish-efektivin Arjan Tase