Zbulimi i armëve dhe municioneve në Zveçan, kush është personi i shpallur në kërkim

Armë, municion e pajisje të ndryshme ushtarake janë gjetur të martën në një shtëpi në Zveçan të Kosovës, ndërsa ende nuk ka as një person të arrestuar.

Policia e Kosovës ka njoftuar se banesa ku u gjet armatimi është në pronësi të një personi të dyshuar që lidhet me rastin e Bajnskës.

Burime të KosovaPress-it bëjnë të ditur se personi i dyshuar që ndërlidhet me rastin është Branisllav Sllavkoviq nga Zveçani.

Sipas këtyre burimeve, ai ka qenë punëtor i spitalit në veri të Mitrovicës dhe ka rreth tre muaj që së bashku me familjen e tij jetojnë në qytetin e Kralevës në Serbi.

Ndryshe, në bazë të njoftimit të policisë, gjatë kontrollit të të martës janë gjetur tre fuçi plastike të groposura, në të cilat ka pasur uniforma ushtarake, armë AK47, granata dore dhe fishekë.

LEXONI GJITHASHTU:

• Aktakuzë ndaj një personi për dhunën kundër KFOR-it në Zveçan  
• Policia e Kosovës arreston një të dyshuar për dhunën ndaj trupave të KFOR në Zveçan