Zbulohet roli i dy policëve në organizatën e drogës që u godit nga Italia dhe SPAK

Një megaoperacion mes autoriteteve shqiptare dhe italiane ka goditur një nga grupet më të fuqishme kriminale me bazë në Durrës, që operonin në trafikun ndërkombëtar të lëndëve narkotike.

Në këtë grup janë të implikuar dhe dy efektivë policie, njëri me profil të lartë ndërsa prokurori Vladimir Mara sqaroi rolin e tyre në këtë çështje.

“Njëri prej tyre është në një pozicion të rëndësishëm, shef seksioni në Policinë e Shtetit, ku ka një rast të bashkëpunimit të tij me pjesëtarë të grupit. Ndërsa një rast tjetër ka të bëjë me korrupsionin e punonjësit të policisë në Portin e Durrësit”, tha prokurori Mara.

Më pas, ai shtoi se:

“Ndërsa një avokati dyshohet për 4 raste të ndikimit të paligjshëm te zyrtarë të ndryshëm, përfshirë të drejtësisë,” tha ai.

LEXONI GJITHASHTU:

• “Restorante, biznese e 1 televizion”- Çfarë u sekuestrua gjatë operacionit antidrogë
• Prokurori italian zbërthen skemën se si vinin paratë e grupit të drogës në Shqipëri