Zbulohet rruga e vrasësit të biznesmenit kur u largua, vendi ku humbi gjurmët

Një ngjarje e rëndë tronditi Shëngjinin këtë të mërkurë, ku një person i veshur me skafandër dhe jelek fosforishent, ekzekutoi biznesmenin Ardian Nikulaj i cili po qëndronte në lokalin e tij në pedonale.

Gazetarja e Euronews Albania, Sara Demushi raportoi se autori i ngjarjes, i cili ende nuk është identifikuar, ka hyrë nga pjesa e pasme e lokalit dhe ka shkuar në drejtim të objektivit.

Ajo tha se ka pasur 7 të shtëna, nga ku 4 plumba në trupin e Nikulajt.

Demushi raportoi se autori ka ardhur nga Shkodra dhe dyshohet se ka ndjekur të njëjtin intinerar për t’u larguar. Lëvizja e tij është identifikuar deri në Gjadër.

Më pas kanë humbur gjurmët e autorit, duke qenë se rruga nuk ka kamera sigurie.

LEXONI GJITHASHTU:

• “Përçmim për akuzat e opozitës”, Ulsi Manja: Të zbardhet vrasja në Shëngjin
• “Si je Ardian”- Zbardhet komunikimi i vetëm mes autorit dhe viktimës në Shëngjin