Zbulohet “shtëpia jeshile” në Tiranë, sekuestrohen 100 mijë euro kanabis

Në 12 orë janë zhvilluar 2 operacione nga policia.

Policia njofton se janë organizuar në kuadër të goditjes së veprimtarive kriminale në fushën e narkotikëve, armëmbajtjes pa leje dhe të vjedhjes të pronës.

Në operacionin e parë u zbulua një vilë ku kultivohej kanabis në Tiranë.

Ervin Prifti alias Ervin Beti alias Ervin Preni, Artan Muça dhe Gentian Muça u arrestuan.

Droga kultivohej dhe bëhej gati për shitje në shtëpinë e Artan Muçës. 100 mijë euro kanabis, 3 armë zjarri, municion luftarak dhe një granatë ishin ndër materialet e sekuestruara.

U dokumentua gjithashtu vjedhja në 24 banesa në rrethin e Kavajës.

Nga ky operacion u arrestuan Eraldo Troshku, Ervis Qoli dhe Enea Meta. Dy të parët janë dënuar edhe më herët për vjedhje. Gjithçka ka ndodhur gjatë vitit 2022 dhe 2 muajve të parë të vitit 2023, kryesisht në banesat e emigrantëve.

Mes sendeve të vjedhura u sekuestruan gjithashtu edhe 2 armë zjarri dhe municion luftarak.

Drejtoria Vendore e Policisë Tiranë është e angazhuar maksimalisht për parandalimin dhe goditjen e paligjshmërisë dhe në këtë kuadër fton qytetarët, për vijimin e bashkëpunimit.

LEXONI GJITHASHTU:

• “Ka qenë bashkëpunues”- Vocaj zbulon detaje nga dëshmia e Dan Hutrës në polici
• Avokat Beqiri: Njerëzit të ruajnë veten se sa për policinë janë të vdekur