Avokat Beqiri: Njerëzit të ruajnë veten se sa për policinë janë të vdekur

Avokati Idajet Beqiri tha në një intervistë për “Good morning Albanians” në Euronews Albania se njerëzit duhet të ruajnë veten dhe të mos presin nga policia.

“Nuk kemi polici parandaluese. Nuk është çështja se këto i kemi me mijëra e nuk i mbulojmë dot, por i kemi të gjitha llojet e mjeteve për t’i identifikuar këta njerëz,” – u shpreh avokati duke komentuar këtu rastin e Dan Hutrës, i cili kreu tre vrasje grash dje në Tiranë

“Njerëzit tanë për fat të keq duhet të ruajnë veten se po qe për Policinë e Shtetit, po qe për parandalimin e Policisë së Shtetit, janë të vdekur, janë të mbaruar,” – tha Beqiri.

Ramazan (Dan) Hutra autori i vrasjes me armë zjarri të 3 grave të mërkurën në kryeqytet është arrestuar nga policia.

Hutra është vënë në pranga pas disa orësh në arrati në zonën e Sharrës, në periferi të Tiranës.

LEXONI GJITHASHTU:

• “Gjithçka e planifikuar”, avokatja: Hutra ka dalë nga burgu vetëm për të vrarë gratë
• Gazetari Ferhati: Dan Hutra ishte gati të vriste nënën e Vladimir Kurtit