Avokatja Eranda Gjonaj tha në një intervistë për “Good morning Albanians” në Euronews Albania se Dan Hutra ka dalë nga burgu vetëm për të kryer vrasjet e grave.

Sipas saj gjithçka ishte e planifikuar.

“Ai ka dalë nga burgu enkas për të vrarë ata. Ai mezi ka pritur mendoj unë të dalë nga burgu, enkas për të vrarë. Ishte shumë i qartë. Ai e dinte fatin e vet. Pavarësisht se duket sikur është munduar të arratiset, por ai e dinte shumë mirë se çfarë e priste dhe ka qenë i qartë. Në burg është mësuar,” – u shpreh avokatja.

Ramazan (Dan) Hutra autori i vrasjes me armë zjarri të 3 grave të mërkurën në kryeqytet është arrestuar nga policia.

Hutra është vënë në pranga pas disa orësh në arrati në zonën e Sharrës, në periferi të Tiranës.

LEXONI GJITHASHTU:

• Gazetari Ferhati: Dan Hutra ishte gati të vriste nënën e Vladimir Kurtit
• Familjarët e viktimave: Dan Hutra ka pasur probleme mendore