Zeko: Diskutimi për Botërorin dhe tifozët bëhet vetëm në Shqipëri

Gazetarja sportive, Enkelejda Zeko thotë se diskutimet për kampionatin botëror dhe tifozët bëhen më së shumti në vendin tonë.

Në emisionin “Barometri” në Euronews Albania, Zeko u shpreh se shqiptarët i ndjekin shumë kampionatet botërore, por edhe ato evropiane.

“Ky lloj diskutimi bëhet vetëm në Shqipëri, të jeni të bindur. Me cilënb kombëtare jemi më shumë tifozë, apo me cilën kombëtare jemi më pak tifozë. Padiskutim që është ndjekur, që janë tifozë, kjo nuk diskutohet. Kampionatin Evropian dhe atë Botëror, të gjithë ata që shikojnë futboll, e ndjejnë 100-fish më tepër dhe mezi e presin.

Natyrisht, ky kampionat ka kurba të tjera për shikueshmërinë, sepse është zhvilluar në një periudhë jo të favorshme për Evropën, sepse është pak ftohtë në disa zona dhe është e vështirë që të ndiqet në masë dhe për shkak jo vetëm të stinës, por edhe periudhës ku njerëzit janë të angazhuar në punë të tjera”, theksoi ajo.

Shqiptarët kanë treguar skuadrën e tyre të zemrës në kampionatin botëror të futbollit. Të pyetur nga Barometri në Euronews Albania, Brazili ka rezultuar skuadra më e preferuar nga shqiptarët me 27.6%.

Një skuadër tjetër shumë e preferuar për shqiptarët, është Gjermania me 24.3%, ndërkohë që pasohet nga Italia me 14%, Argjentina me 10.7% dhe Hollanda me 5.5%.

Skuadrat të cilat kanë më pak tifozë shqiptarë, janë Portugalia me 4.2%, Franca me 4%, Spanja me 3.9% dhe Anglia me 2.2%. Ndërsa 3.5% e tyre bëjnë tifo për kombëtare të tjera.

LEXONI GJITHASHTU

• “Babi të ka vënë emrin Franc”, Shakohoxha: Cilët shqiptarë janë tifozë me Anglinë
• Me kë janë tifozë shqiptarët? Barometri zbulon preferencat për skuadrat e mëdha
• Cila kombëtare do të fitojë botërorin? Gjetjet e Barometrit