Zelenski i drejtohet sot me një mesazh Shqipërisë

Presidenti i Ukrainës, Volodimir Zelenski do t’i drejtohet me një mesazh Kuvendit të Shqipërisë këtë të martë.

Seanca kushtuar Ukrainës dhe mbështetjes së saj përballë agresionit rus pritet të nisë rreth orës 13:00.

Zelenksi ka mbajtur një fjalë online edhe në parlamentet e disa prej vendeve të rëndësishme europiane, si: Anglia, Norvegjia, Portugalia, Italia, Finlanda, Greqia, Sllovakia, Irlanda, Rumania, Qipro, Lituania dhe Spanja.

Shqipëria është vendi i parë në ballkanin perëndimor që Zelenksi do të mbajë një fjalë online në shenjë falenderimi për përkrahjen përballe agresionit rus.

Që prej nisjes së konfliktit Rusi-Ukrainë, vendi ynë është rreshtuar krah vendeve anëtare të NATO-s dhe OKB në qëndrimin pro Ukrainës dhe sanksioneve ndaj Rusisë.

Ne javet e fundit , Ukrainën e kanë vizituar një sërë zyrtarësh të lartë europian dhe amerikan.

Në Kiev kanë qenë Presidentja e Komisionit Evropian, Ursula von der Leyen, shefi i politikës së jashtme të BE-së, Josep Borrell, Kryetarja e Dhomës të Përfaqësuesve të SHBA-së, Nancy Pelosi, Sekretari i Përgjithshëm i OKB-së, Antonio Guterres dhe Sekretari Amerikan i Shtetit, Antony Blinken.

Një javë më parë, në kiev ka qenë Kryetari i Kuvendit të Maqedonisë së Veriut, Talat Xhaferri, duke u bërë edhe zyrtari i parë nga ballkani perëndimor që viziton Kievin.

LEXONI GJITHASHTU:

• Zelenski paralajmëron krizë globale ushqimore
• Zelenski: Rusia po përpiqet të shkatërrojë jetën e njerëzve në Donbas