Zelenski shkarkon dy bashkëpunëtorë, akuzohen për tradhti

Presidenti ukrainas Volodimir Zelenski ka shkarkuar dy figura të rëndësishme në qeverinë e tij, duke vënë në pikëpyetje cilësitë e tyre drejtuese pasi janë akuzuar shumë nga vartësit e tyre për tradhti dhe bashkëpunim me Rusinë.

Në fjalimin e tij të natës me video, Zelenski tha: “Sot mora një vendim për të hequr nga detyra Prokurorin e Përgjithshëm dhe për të shkarkuar Shefin e Shërbimit të Sigurisë të Ukrainës”.

Dy zyrtarët e shkarkuar janë Iryna Venediktova – Prokurorja e Përgjithshme – dhe Ivan Bakanov – kreu i SBU-së së fuqishme ose Shërbimit të Sigurimit Shtetëror, dhe një bashkëpunëtor i gjatë i Presidentit.

Zelenski tha se shumë zyrtarë brenda të dy departamenteve dyshohen për tradhti.

“Deri sot janë regjistruar 651 procedime penale për tradhti dhe veprimtari bashkëpunuese të punonjësve të prokurorive, organeve të hetimit paraprak dhe organeve të tjera ligjzbatuese”, tha ai.

LEXONI GJITHASHTU:

• Zelenski thirrje ndërkombëtarëve që ta njohin Rusinë si një ‘shtet terrorist’