Zelensky kërkon zgjatjen e marrëveshjes së eksportit të grurit në Detin e Zi

Presidenti ukrainas, Volodymyr Zelensky i tha ambasadores së SHBA në Kombet e Bashkuara të martën se marrëveshja për eksportin e grurit të Detit të Zi që zhbllokoi tre portet kryesore të Ukrainës, duhet të zgjatet.

Marrëveshja, e rënë dakord në korrik nën ndërmjetësimin e Kombeve të Bashkuara dhe Turqisë, hoqi një bllokadë që Rusia vendosi në portet e Detit të Zi të Ukrainës pas pushtimit të saj më 24 shkurt, shkruan Reuters.

Marrëveshja skadon më 19 nëntor dhe u shfaq nën kërcënim muajin e kaluar kur Moska pezulloi shkurtimisht pjesëmarrjen e saj në marrëveshje përpara se të ribashkohej përsëri.

“Ne mbajmë linjën që nisma duhet të vazhdojë pavarësisht nëse Federata Ruse është e gatshme,” i tha Zelenskiy ambasadores, Linda Thomas-Greenfield, gjatë bisedimeve në Kiev.

Zëvendësministri i infrastrukturës i Ukrainës i tha të martën se Kievi dëshiron që marrëveshja e eksportit të grurit të zgjerohet për të përfshirë më shumë porte dhe mallra dhe shpreson se një vendim për të zgjatur marrëveshjen për të paktën një vit do të merret javën e ardhshme.

LEXONI GJITHASHTU

• Lufta paralele e Volodymyr Zelensky-t kundër oligarkëve ukrainas
• Zelensky: Ukraina nuk ka presione për negociata me Rusinë
• Zelensky paralajmëron: Rusët do sulmojnë sërish infrastrukturën energjetike