Zelensky në Romë, takohet me kryeministren Meloni

Presidenti ukrainas Volodymyr Zelensky u takua të shtunën me kryeministren italiane Giorgia Meloni në udhëtimin e tij të parë në Itali që prej fillimit të agresionit rus në shkurt të vitit të kaluar.

Zoti Zelensky zhvilloi bisedime me Presidentin Sergio Mattarella në Pallatin Quirinale dhe do të ketë një drekë pune me kryeministren Meloni përpara se të niset për në Vatikan për të takuar Papa Françeskun.

Në rrjetin social Twitter, zoti Zelensky e quajti vizitën e tij në Itali dhe Vatikan “një vizitë e rëndësishme për afrimin e fitores së Ukrainës!”

Today in Rome. I’m meeting with President of Italy Sergio Mattarella, Prime Minister of Italy @GiorgiaMeloni and the Pope @Pontifex. An important visit for approaching victory of Ukraine! 🇮🇹🤝🇺🇦🤝🇻🇦

— Володимир Зеленський (@ZelenskyyUa) May 13, 2023

Kryeministrja Meloni e vizitoi presidentin Zelensky në Kiev në shkurt për ta siguruar atë për mbështetjen e vazhdueshme të Italisë për Ukrainën, pavarësisht se disa nga partnerët e saj në koalicionin qeverisës, veçanërisht ish-kryeministri Silvio Berlusconi, kanë lidhje të ngushta me Moskën.

Takimi me Papën pritet të jetë pjesa më e rëndësishme e vizitës së zotit Zelensky në Itali. Ai u takua më parë me Papën në Vatikan në vitin 2020 dhe të dy kanë pasur disa biseda telefonike që nga fillimi i luftës.

LEXONI GJITHASHTU:

• Zelensky në Romë, pritet të zhvillojë takim me Papën
• ArtCult në Euronews Albania, emisioni që do të zbulojë të pathënat e artistëve