ArtCult në Euronews Albania, emisioni që do të zbulojë të pathënat e artistëve

ArtCult është emisioni më i ri që do të shfaqet në ekranin e Euronews Albania, çdo të shtunë në orën 17:00.

Gazetarja Linda Lupi tregoi se ky projekt do të sjellë të brendshmen e veprave të artit, emocionet dhe gjithë ngjyrat shumë dimensionale, atë që syri i lirë i njeriut nuk e analizon dot.

“Çdo artist ka dhe një jetë dhe kjo do të jetë, të pathënat, rrëfimet, emocionet, ashtu siç arti prek në shqisa, në emocione, është proces, është produkt final, por ne përpara se të arrijmë te produkti final këtë do të shohim, rrëfimet dhe të pathënat e artistëve, e artit që ata mbartin në vetvete ku do të jemi prezent jo vetëm në studion e ArtCult këtu në Euronews Albania,” – u shpreh Lupi.

Gazetarja theksoi se do të ketë një ndërthurje mes artit dhe kulturës, por mbi të gjitha fokusi do të jetë te përjetimet njerëzore.

LEXONI GJITHASHTU:

• Artikulli i New York Times kundër Vuçiç, analisti: Tregues i luftës SHBA-Serbi
• “Fredi Beleri i barabartë para ligjit si kushdo”, MEPJ i përgjigjet Athinës