Maqedonia e Veriut, teksa po merr një dritë jeshile nga shumë shtete evropiane rreth hapjes së negociatave, vështirësinë më të madhe do ta ketë nga vendi fqinj i saj, Bullgaria.
Zëvendëskryeministri i Bullgarsë dhe udhëheqësi i VMRO-BND, Krasimir Karakaçanov, ka deklaruar se nuk do të ketë asnjë ”po” për Maqedoninë e Veriut deri sa ky vend të pastrojë të gjitha falsifikimet e historisë.
Kjo deklaratë e zv.kryeministrit bullgar vjen si përgjigje ndaj komenteve të raportuara nga presidenti i Maqedonisë së Veriut, Stevo Pendarovski, për figurën historike Gotse Delchev.
Ky ngërç midis dy vendeve ka ngjashmëri me mosmarrëveshjen që kishin mes tyre Maqedonia e Veriut dhe Greqia në lidhje me historinë.
Por, konflikti mes Maqedonisë së Veriut dhe Bullgarisë ka rrënjë edhe më të thella. E gjithë përplasja vjen pasi Bullgaria pretendon se nuk ekziston një komb maqedonas dhe se popullsia në Maqedoninë e Veriut është bullgare.
