‘Zëvendësojnë shqiptarët në burg’, çfarë shkruanin mediat britanike për emigrantët

“Narrativa që ka dalë është që këta shqiptarë po vijnë për shkak se duan të zëvendësojnë ata që kanë shkuar në burg ose janë kthyer”.

Kështu u shpreh eksperti i integrimit, Andi Hoxhaj për “Euronews Albania”, në lidhje me atë se çfarë shkruanin mediat britanike për mbërritjen e emigrantëve shqiptarë në vendin ishullor.

Nga Britania e Madhe, Hoxhaj deklaroi se në muajin gusht, 6 në 10 emigrantë që mbërritën ishin shqiptarë.

“Narrativa që ka dalë është që këta shqiptarë po vijnë për shkak se duan të zëvendësojnë ata që kanë shkuar në burg ose janë kthyer. Kjo është narrativa që është përshkruar në media, gjithashtu edhe mesazhi që është dhënë. Mirëpo, në pjesën e gushtit ku ka pasur një fluks të madh të shqiptarëve që kanë ardhur, në 10, 6 kanë qenë shqiptarë, prandaj është bërë alarmante si trajtim. Shqiptarët nuk është se kanë emrin më të mirë në Britaninë e Madhe, sidomos në vitet e fundit dhe kjo e bën këtë narrativë më të fortë”, theksoi eksperti.

LEXONI GJITHASHTU

• Eksperti: 6 mijë shqiptarë hynë në Britani në 2 muaj, përbëjnë 18% të emigrantëve
• Studiuesi: Histeria e mediave britanike me shqiptarët po përdoret nga Priti Patel
• Gazetarja: 60% e emigrantëve ilegalë në Britani janë shqiptarë