Zgjedhjet e 14 majit, Lëvizja Bashkë rrezikon të mos regjistrohet si parti politike

Lëvizja Bashkë pretendon se po pengohet për t’u regjistruar në gjykatë si subjekt politik për zgjedhjet e 14 majit.

Sekretarja Organizative e Lëvizjes Bashkë, Mirela Ruko thotë se është shkelur afati prej 30 ditësh për të marrë statusin juridik.

Në një intervistë për Euronews Albania, Ruko u shpreh se kanë dorëzuar dokumentacionin më 9 janar dhe ende kjo lëvizje nuk e ka statusin juridik.

Sipas Rukos, Lëvizja Bashkë rrezikon të mos regjistrohet në zgjedhje, pasi afati që ka vendosur Komisioni Qendror i Zgjedhjeve (KQZ), është data 9 mars.

“Ka një ligj që quhet ligji i partive, i cili i mundëson këto lehtësi çdo subjekti që do të regjistrohet, të marrë statusin juridik dhe brenda 30 ditëve ta gëzojë këtë status. Ajo që pretendojmë, është që ky afat është shkelur, për shkak se ne kemi dorëzuar dokumentacionin e nevojshëm pranë gjykatës në datën 9 janar dhe deri në këto momente ne nuk e jemi marrë statusin tonë juridik.

Përkundrazi, kemi marrë vetëm një datë seance për ta shpallur një vendim që do merret kundrejt nesh, në datën 7 mars, e cila për ne është jashtë çdo afati, por nga ana tjetër na rrezikon mosregjistrimin në zgjedhje  si subjekt elektoral sepse afati që ka vendosur KQZ-ja për partitë politike që të regjistrohen, është data 9 mars”, theksoi ajo.

LEXONI GJITHASHTU

• Analisti: Nëse skandali “McGonigal do i ndodhte Berishës, do ishte djegur Tirana
• Gazetari tregon skenarët për vulën e PD: Mund të mos kemi zgjidhje më 3 mars
• Berisha: Nëse nuk do vidhej, shqiptarët të merrnin dyfishin e rrogës