Zgjedhjet lokale, Soko: Qytetarët po kërkojnë ide të reja, do gjykohet programi

Pano Soko, anëtar i nisma “Thurje” u shpreh në një intervistë për Euronews Albania se partitë politike duhet të kenë program politik, që ta shpalosin para qytetarëve.

Ai tha se ka nisur proicesi i së zëvendësimit të së vjetrës dhe qytetarët po kërkojnë ide të reja.

“Këtu ka një proces që ka nisur, procesi i zëvendësimit të së vjetrës. Ka ardhur momenti që të ndryshojmë tablonë e politikës në Shqipëri. Qytetarët po kërkojnë një ide të ri, kërkojnë mënyrë të re të të bërit politikë. Është momenti që duhet të gjykohet programi. Partive u mungoj një program. Duhet të zgjedhësh mes alternative”, u shpreh Soko.

Endri Shabani, kryetar i nismës “Thurje” bëri me dije sot se do të bëhen pjesë e garës në zgjedhjet lokale më 14 maj, datë e dekretuar nga presidenti pak ditë më parë.

Ai solli në vëmendje se si Tirana është shpërfytyruar dhe nuk njihet më. Në një intervistë për Euronews Albania Shabani tha se do të garojnë në disa bashki të vendit për kryetarë dhe këshillat bashkiakë.

LEXONI GJITHASHTU:

• Nisma “Thurje” në zgjedhjet lokale, Shabani sulmon Bashën dhe Veliajn
• Peticioni i “Nismës Thurje”: Plazhe 100% publike